XXXV SELMANA DE LES LLETRES ASTURIANES
La Selmana de les Lletres Asturianes nació
nel añu 1980 como un homenaxe públicu ya institucional a la llingua asturiana,
poro esti añu nós tamién queremos festexar, como otros lo ficieron, dende fai
trenta y cinco años, les lletres y la cultura de nueso.
La
Conseyería Educación y el Serviciu de Política Llingüística dediquen esti añu esta
selmana al cómic, el tema ye Dibuxando un
camín y coincide col 125 aniversariu del primer cómic n’asturianu,
espublizáu nel 1889, nel númberu 1 de la
revista La Comedia Gijonesa, del
dibuxante Pepe Prendes.
Nel
nuesu institutu preparamos una esposición con dellos cómics que ficimos los
alumnos d’asturianu dende 1u a 4u de la ESO. Vaciamos los
bocadiellos de les viñetes ya inventamos una hestoria nueva cola que los
rellenamos. Anque les viñetes yeren siempres les mesmes el resultáu nun salió
igual. Emplegamos los dibuxos del tebéu El
Gomeru. Ed. Trabe.2005
Vamos enseñavos dellos exemplos.
La Conseyería d’Educación, p’alumnos y
alumnes d’Educación Secundaria y Bachilleratu, convoca:
III CERTAME DE
CREACIÓN AUDIOVISUAL
XI CERTAME DE
CARTELISMU
XIV CERTAME DE
CREACIÓN ARTÍSTICA/LLITERARIA
II CERTAME DE TEATRU
ESCOLAR EN LLINGUA ASTURIANA/GALLEGO-ASTURIANO
CERTAME ESPECIAL DE
CÓMIC
Na Xunta Xeneral del Principáu fadráse una
llectura de testos n’asturianu’l Día de les Lletres Asturianes.
L’Academia de la Llingua Asturiana,
institución dependiente del gobiernu del Principáu, celebra una Xunta Xeneral Estraordinaria
y pública, nel Teatru Campoamor d’Uvíeu, na que se noma a un miembru nuevu de l'Academia
y se repasen los temes rellacionaos cola llingua qu’asocedieron durante l'añu.
L’homenaxe públicu fáenlu toos
aquellos que participen nuna manifestación que convoca la Xunta pola Defensa de la Llingua Asturiana.
La Xunta
nació en 1984, como movimientu cívicu independiente en defensa de la normalización social del
asturianu. Tuvo un gran protagonismu nes movilizaciones del Pautu pol Autogobiernu y Oficialidá (1996-98),
abriendo pasu al debate de la oficialidá de la llingua na reforma del Estatutu
d’Autonomía del añu 1999.
Otra
plataforma social perimportante ye'l Conceyu
Abiertu pola Oficialidá, que fixo campañes como Doi la cara pola oficialidá.
Escritores,
deportistes, escolinos, profesores…. músicos sumámonos a los actos de la Selmana de les Lletres Asturianes.
Bibliografía
VVAA. Picos 3 – Llingua Asturiana. Llambrión .
Ed. Trabe. 2004
No hay comentarios:
Publicar un comentario