¡Hola a toos y a toes!
Somos Natalia, Pablo, Jonny, Salama y Byron alumnos d’ asturianu de 4º ESO del IES Monte Naranco del cursu 2013/14.
Agora nel cursu 2014/15 continuamos col blog los alumnos de 4º d ESO Pablo, Steeven, Mery, Victor, Scarlin, Jesús y Enol.
Facemos esti blog pa deprender Llingua Asturiana y compartir esti deprendizax con vós.
Pa entamar el blog vamos recordavos los drechos que toos tenemos como falantes d’asturianu:
L'Estatutu
d'Autonomía p'Asturies establez nel so artículu 4: "El bable va gozar de
protección. Va promovese'l so usu, la so difusión nos medios de comunicación y
la so enseñanza, respetando en tou casu les variantes locales y la voluntariedá
nel so deprendizaxe".
CAPÍTULU
II
Del usu
del bable/asturiano
Artículu.4
- Tolos ciudadanos tienen derechu
a emplegar el bable/asturiano y a espresase nél, de palabra y por escrito.
CAPÍTULU
III
De la
enseñanza
Artículu.9
- El Principáu d'Asturies, nel
exerciciu de les sos competencies, va asegurar la enseñanza del bable/asturiano
y promover el so usu dientru del sistema educativu, nos términos previstos nel
Estatutu d'Autonomia d'Asturies.
Artículu.10
- Nel exerciciu de les sos
competencies, el Principáu d'Asturies va garantizar la enseñanza del
bable/asturiano en tolos niveles y graos, respetando non obstante, la
voluntariedá del so deprendizaxe. En tou casu, el bable/asturiano va tener que
ser impartío dientro del horario escolar y va ser consideráo como materia
integrante del currículu.
Los
principios anteriores van facese estensivos a la educación permanente
d'adultos.
La
elección del estudiu o del usu del bable/asturiano como asignatura del
currículu, en nengún casu va poder ser motivu de discriminación de los alumnos.
Pa los
que lu escueyan, el so deprendizaxe o usu nun va poder constituir un obstáculu
pa recibir la mesma formación y conocimientos n'igualdá de condiciones que'l
restu del alumnáu.
Vamos enseñavos agora unos
vídeos de Pablo A. Quiroga Prendes que ye maestru de Llingua Asturiana,
realizador audiovisual, productor musical y otres munches coses más.
Nel primeru, los
nenos del CP. Manuel Fernández Juncos de Ribeseya, desplíquenmos porqué
s’apunten a Llingua Asturiana.
Nel segundu, escolinos del
CRA Eugenia Astur de Tinéu, cúntennos porqué s’apunten a Llingua Asturiana y
entruguen porqué nos apuntamos nós.
Apuntámonos a Llingua
Asturiana porque ye lo nueso, porque ye’l nuesu drechu y la nuesa llingua.
¿Y tu, porqué nun
t’apuntes?
No hay comentarios:
Publicar un comentario