VARIEDAES DE LA LLINGUA ASTURIANA
Toles llingües del mundu tienen variedaes, en
llingüística llamábense tamién dialectos
anque anguaño emplégase más el términu variantes o variedaes. Les variantes son
distintes maneres de falar la mesma llingua.
Trátase d’una mesma llingua porque, estes variedaes,
comparten una sintaxis común, una fonética común y un léxicu mayormente común.
N’asturianu reconócense tres, asitiaes ente los grandes ríos d’Asturies. Tienen un orixe mui antiguu,
lo más razonable ye que tengan rellación
coles tribus d'astures y cántabros qu’habitaben nestes tierres.
Estes variantes del asturianu son: l’asturianu occidental, el central y l’oriental.
L’asturianu occidental estiéndese, na costa, dende’l conceyu de Castrillón
(Avilés) hasta Piñera (Navia). Nel interior dende Quirós hasta ‘l cordal d’El
Palu, n’Allande.
Les carauterístiques más llamatives son:
·
El femenín
del plural acabáu en –as. Las vacas, las muyeres.
·
Diptongos
decrecientes –ei, –ou. Caldeiru,
cousas.
·
La conxunción
y cambiase pola forma ya. Tien un
coche ya dos motos
·
L.l ye la
variante de ll, conozse col nome de che
vaqueira. Val.le, l.lobu.
Un
exemplu d’esta variante podemos velu nel testu del EQUIPU ARBÁS, Llingua Asturiana. Nueve sieglos d’hestoria,
Uviéu, Principáu d’Asturies, 1998.
Estas cousas
pensando de pasada,
cansáu quiciavis de cavar tapinos,
al suañu más sabrosu dan entrada.
Duermo ya, cuando cuando amanez, los paxarinos,
puestos na figar de la corrada
empezando a facer gorgolitinos,
despiértanme contentu y gayaspeiru
con ganas de l.labrar ya ir al eiru.
L’asturianu central ye la variedá que se fala nos conceyos ente los ríos
Nalón y Seya.
Les sos carauterístiques son:
·
El
femenín del plural acabáu en en –es. Les xates, les cases.
·
Neutros
en –o. (Axetivos de tres
terminaciones –u, -a, -o. Emplegando la forma del neutru con sustantivos non
cuntables).
Sidra fresco, ropa tendío.
Sidra fresco, ropa tendío.
·
Metafonía (en delles zones). Trátase d’un
fenómenu fonéticu que se produz cuando una palabra acaba en vocal zarrada –i, -u, entós, la vocal tónica de la
penúltima sílaba zárrase tamién. Gatu-guetu.
·
Los
participios en femenín singular de la primera conxugación acaben en –á tónica. Cansá, frayá.
Siguiendo col exemplu
del Equipu Arbás, vamos ver el mesmu testu na variante central.
Estes coses
pensando de pasada,
cansáu quiciavis de cavar tapinos,
al suañu más sabrosu dan entrada.
Duermo y, cuando cuando amanez, los paxarinos
puestos ena figar de la corrada
empezando a facer gorgolitinos,
despiértenme
contentu y gayasperu
con ganes de llabrar y dir al eru.
L’asturianu oriental ye la variedá de los conceyos asitiaos al este del Seya.
Destacamos como característico:
·
Femenín
plural acabáu en –as (en bona parte
del so territoriu). Las cartas.
·
El
neutru faese en –u. Sidra frescu, ropa tendíu.
·
Los pronomes
átonos de complementu indirectu acaben en –i.
Comieronti la cena.
·
La
variante de f- ye h.- (pronúnciase aspirada como happy n’inglés) fierru-h.ierru.
El mesmu testu anterior na variedá oriental.
Estas cosas
pensando de pasada,
cansáu quiciavis de cavar tapinos,
al suañu más sabrosu dan entrada.
Duermo y, cuando cuando amanez, los paxarinos
puestos ena h.igar de la corrada
empezando a facer gorgolitinos,
despiértanmi contentu y gayasperu
con ganas de llabrar y dir al eru.
Gallego - asturianu
N’Asturies, ente los ríos Navia y Eo, fálase tamién el
gallego-asturianu. Ésta ye una variedá llingüística de transición, onde se mecen
carauterístiques del gallegu y del asturianu xunto con otros rasgos propios
d’esta fastera. Los falantes d’esta llingua llámenla tamién a fala.
En toles llingües hai variantes, nel inglés, nel francés,
nel castellán, gallegu, catalán o vascu y en toes esiste un modelu de llingua
estándar.
L’estándar asturianu axunta carauterístiques de les tres
variantes que tamos acabantes de ver.
Bibliografía
MORI, M., FERNÁNDEZ,P., PRIETO, M. – Fala
que fala. Llingua asturiana y
lliteratura. 2u Bachilleratu. Ediciones Trabe 2006.
FONTICIELLA, P., PRIETO, C., SUÁREZ, X.M. – Pulsu 1. Llingua asturiana y lliteratura 1u
Bachilleratu. Vtp Editorial 2006.
FERNÁNDEZ, X., GARCÍA, M.A.- A la
gueta de material espardío. C.P. R. del Oriente 2008.
No hay comentarios:
Publicar un comentario