Agora que lleguen les vacaciones ufiertámosvos delles recetes pa que faigáis en casa.
Caldu de nabiza
Un bon puñáu de nabiza
¼ kg de fabes
½ kg de patates
1 o 2 morcielles
Mantega de gochu
1 oreya de gochu
1 cachu de morro
2 o 3 güesos
3 o 4 chorizos
Hai que poner les fabes
a remoyar el día anterior.
Pónense
a cocer les fabes, la mantega de gochu, la oreya, el morro y los güesos con
abonda agua. Dempués de dos hores échense les patates partíes, les morcielles,
los chorizos y la nabiza. Déxase cocer otra hora más.
Frixuelos
½ llitru lleche
4 güevos
1 llimón (ralladures)
2 cuyaraes d’azucre
1 plizcu sal
Unes gotes d’anís
200 gr de farina
Bátense los güevos.
Mézclase cola lleche, les ralladures de llimón, l’azucre, el sal y les gotes
d’anís.
Dempués va echándose la
farina, removiendo bien pa que nun se faigan gorullos, hasta que quede una masa
ralina.
Nel sartén úntase’l
fondu con un poco d’aceite y ponse al fueu hasta que tea bien caliente. Va
echándose una garfielladina de la mezcla, estendiéndola bien pa que cubra’l
fondu’l sartén y, cuando tea dorada, dáse-y vuelta pa que dore pel otru llau.
Cuando se saca échase
nun platu y espolvérase con una mezcla d’azucre y canela molío.
Castañes con chorizos
1 ½ kg de castañes
mayuques
Sal
Zucre – una cuyarada
Un puñáu de fabes
Cebolla
Chorizos
Poner
les castañes y el puñáu de fabes a remoyar la nueche anterior.
Cocer
les fabes y les castañes con un plizcu sal y la cuyarada de zucre. Cuando tean
un poco cocíes garrar unes castañes y pisales pa engordar el caldu. Cuando yá
casi tean cocíes echar los chorizos (fervíos aparte) y siguir cociendo otro
poco.
La Venera
½ kg d’almendra
½ kg d’azucre molío
2 güevos
Oblees
1 clara y zreces
confitaes
Bátense
los güevos. Mézclase col azucre y l’almendra (que tien que tar seca y molida).
Ponse
nuna bandexa cubierta con oblees y d'esti mou: un roscu nel mediu y dempués
medios roscos dando vueltes alredor hasta que tea la bandexa cubierta.
Adórnase
con merengue (cola clara de güevu y un poco d’azucre) y les zreces confitaes.
Métese
nel fornu a gratinar y ponse a cocer hasta qu’empiece a tener color.
Pitu
caleya
INGREDIENTES:
1 pitu de caleya
6 cebolles
1 pimientu verde
5 dientes d'ayu
2 ayos puerros
Sal
Aceite
1/2 vasu de vinu blanco
Patatinos
PREPARACIÓN:
Echamos sal al pitu, escuartizáu
y llimpiu. Nun sartén ponemos aceite, pasamos el pitu nella y vamos asitiándolu nuna pota. Picamos bien menudo la
cebolla, el pimientu verde y l'ayu y frímoslo nel aceite, nel que primeramente
pasamos el pitu. Una una vez frito añadímoslo penriba del pitu.
De siguío y nel mesmu aceite,
tostamos les pataques, y echámosles na pota na que tenemos el pitu y les verdurines.
Echamos el vinu blanco y ponémoslo al fueu, hasta que se cueza'l pitu, aproximao
1 hora y 1/2. Cortamos l'ayu puerru en xuliana y doramos nel sartén.
Nun platu asitiamos el
pitu, los patatinos, la salsa y decoramos col ayu puerru.
Rapón de maíz
(torta de maíz – fastera Navia-Eo)
Farina ( 3 partes de
maíz y una de trigu bien mezclao)
Formientu
Agua y sal
150 gr de tocín
1 cebolla picada
menudina
2 chorizos partíos en
cachinos
Berces pa cubrir el
molde
Mézclase
too, dempués d’amasar la farina, hasta
tener una pasta bien fecha. Estiéndese sobre la berza y déxase espillir,
esponxar. Cuécese, meyor nun fornu de lleña. Más o menos una hora.
¡Qué vos presten!
No hay comentarios:
Publicar un comentario