El llatín y les llingües romances

La llingua asturiana ye una llingua que vien del llatín. Toles llingües que vienen del llatín llámense llingües romances.

Na Peninsula, amás del portugués y el castellán son llingües romances les siguientes:

• L’Aragonés: fálase na provincia de Huesca y en dellos pueblos del norte de Zaragoza. Ta protexía pol Estatutu d’Autonomía d’ Aragón.
• L’Aranés: ye un dialectu de la llingua occitana, llingua romantica del sur de Francia, faláse nel Valle d’Arán col rangu de llingua cooficial col Catalán.
• El Catalán: fálase en Cataluña, Comunidá Valenciana, Baleares, Andorra, el Rosellón francés y L’Alguer (Cerdeña). Ye llingua oficial.
• El Gallegu: fálase en Galicia y en dellos pueblos fronterizos, ye tamién llingua oficial.
• El Castellanu: ye la llingua oficial d’España. Ye tamién oficial en delles republiques americanes y en Guinea Ecuatorial n’África.

Otres llingues romances del mundu son: l’Italianu, el Francés, el Portugués, el Rumanu o el Sardu.

Nesti cuadru pue vese la evolución de dalgunes pallabres del llatín a otres llingues romances.

Llatín	Asturianu	Gallegu	Catalán	Castellanu	Francés	Italianu	Portugués
Persicum	piescu	pexego	préssec	albérchigo	pêche	pesca	pêssego
Xentem	xente	xente	gent	gente	gens	gente	gente
Foliam	fueya	folla	fulla	hoja	feulle	foglio	folha
Ferrum	fierru	ferro	ferro	hierro	fer	ferro	ferro
Filium	fiu	fillo	fill	hijo	fils	figlio	filho
Linguam	llingua	lingua	llengua	lengua	langue	lingua	língua
Noctem	nueche	noite	nit	noche	nuit	notte	noite
Lactem	lleche	leite	llet	leche	lait	latte	leite

Bibliografía

Pícos. 4^u ESO Ed. Trabe

Fala que fala. 2^u Bachilleratu. Ed. Trabe

A la gueta del material espardío. Xurde Fernández y María Angeles García